Москвадагы Жогорку экономика мектебинин профессору, Борбор Азия боюнча эксперт Андрей Казанцев “Азаттык” үналгысына Кыргызстандагы кезексиз президенттик шайлоо, анда Садыр Жапаровдун шайланышы боюнча маек берген. Ал Жапаров жөнөкөй адам эмес экенин айтып, Россия аны менен сүйлөшкөндүн жолун беле турганын билдирген.
“Садыр Жапаров жөнөкөй адам эмес экенин баары түшүнүп турат. Орой, сленг менен айтсак, Жапаров – конкреттүү “пацан”. Кыргызстандагы саясий система интеллигент Акаевден баштап, советтик типтеги ар кандай бюрократтардан өтүп, конкреттүү «пацанга» келип токтолду десе болот. Орус элитасы мындай конкреттүү «пацандар» менен сүйлөшкөндү билет. Буга мисалдар толтура”, - деген ал.
Ошондой эле Казнацев Россия Жапаров Кыргызстанда шайлоодо жеңгенин, азыр ал өлкөдөгү башаламандыкты кандайдыр бир деңгээлде тартипке сала ала турган жалгыз саясатчы экенин кабыл алганын айткан.
Пикирлер (0)
Пикир жок. Сиз биринчилерден болушуңуз мүмкүн