Ар бир кыргызстандык үчүн санарип ден соолук профили түзүлдү

Ар бир кыргызстандык үчүн санарип ден соолук профили түзүлдү. Бул туурасында Саламаттык сактоо министрлиги билдирди.

Аталган кызмат "Түндүк" тиркемеси аркылуу бардык жарандарга жеке медициналык маалыматка жетүүнү камсыз кылат. Алар төмөнкүлөр:

- сиз катталган алгачкы медициналык-санитардык жардам көрсөтүүчү саламаттык сактоо уюму;

- камсыздандыруу статусу;

- бейтапканалар жөнүндө маалыматтар;

- ооруканага жаткыруу боюнча маалыматтар;

- лабораториялык изилдөөлөрдүн натыйжалары;

- эмдөө боюнча маалыматтар.

"Үстүбүздөгү жылдын декабрь айында ата-энелерге жашы жете элек балдардын медициналык маалыматтарын алууга мүмкүнчүлүк берилген. Бул аларга балдарынын ден соолугуна кам көрүүгө активдүү катышууга шарт түзөт", — деп айтылат маалыматта.

Ошондой эле сервиске эмдөөдөн жана белгилүү бир анализдерден өтүү керектиги тууралуу билдирүүлөрдү кошуу иштери жүрүп жатканы белгиленди.