Араван районунда партиялардын үгүт иштери учурундагы массалык мушташ боюнча сотко чейинки өндүрүш иши ачылган. Бул туралуу 24-сетябрдагы брифингде ички иштер министринин орун басары Мирлан Каниметов билдирди.
Анын айтымында, мушташ учурунда 9 адам жабыркаган.
"Текшерүүнүн негизинде 6 адам шектелүүдө, алардын ичинен 5 адам убактылуу кармоочу жайга киргизилген, 1 адам ооруканада", - деди Каниметов.
Министрдин орун басары шектүүлөр кайсыл партияга тийиштүү экендиги аныкталууда.
Буга чейин маалымдалгандай, Араван районунда 20-сентябрда эки саясий партиянын үгүтчүлөрү ортосунда массалык мушташ чыккан. Чырдын кесепетинен 12 адам ооруканага түшүп, 5 автоунаа талкаланган.
Пикирлер (0)
Пикир жок. Сиз биринчилерден болушуңуз мүмкүн