Атамбаевдин соттук иши жактоочулардын келбегенине байланыштуу жылдырылды

Кой-Таш окуясы боюнча Биринчи май райондук сотунда 8-июнга белгиленген отурум жактоочулардын келбегенине байланыштуу жылдырылды. Бул тууралуу аталган мекеменин басма сөз кызматынан билдирди.

Маалыматка ылайык, Биринчи май райондук сотунун өндүрүшүндө А.Атамбаев, Ф.Ниязов, И.Карамушкина, А.Кодуранова, Р.Жеенбеков, М.Мискенбаев, К.Жолдубаева, К.Сагымбаев, М.Шаменов, Р.Карыпбек уулу, Ф.Баабиев, К.Осмоналиев жана Н.Капарбек уулун айыптоо боюнча жазык иши каралууда.

Айыпталуучулар М.Шаменов жана Н.Капарбек уулунун жактоочусу Ш.Сыдыгалиевден соттук отурумду башка күнгө жылдыруу жөнүндө арыз түшкөндүгүнө жана жактоочулар Б.Сатыбалдиев, З.Жоошев, С.Слесарев, Ж.Жунусовдордун келбегендигине байланыштуу, бүгүнкү соттук териштирүү 15-июнга саат 10:00гө жылдырылган.

Эске салсак,  1-июндагы отурумда мурдагы президент Алмазбек Атамбаев сот залынан четтетилген.