Социалдык фонд аялдар үчүн пенсия курагын көтөрбөйт. Бул тууралуу 8-февралда Жогорку Кеңештин жыйынында белгилүү болду.
Социалдык фонддун төрагасынын орун басары Гүлнура Жуматаеванын айтымында, тармактык комитет аялдардын пенсия курагын 58ден 60ка көтөрүүгө каршы чыкты.
«Депутаттар дагы сунуш кылышты. Биз алар менен макулдаштык. Аялдар үчүн жалпы белгиленген жаш курак жогорулабайт», - деди Жуматаева.
Эске салсак, Соцфонд 2024-жылдан тарта мамлекеттик кызматкерлердин пенсияга чыгуу курагын 58 жаштан 60 жашка чейин этап-этабы менен жогорулатууну пландаган.
Пикирлер (1)