Кыргызстандын кыз-келиндер күрөшү боюнча улуттук курама командасынын мүчөсү Айсулуу Тыныбекова Бишкекте өтүп жаткан Азия чемпионатынын алтын медалын тагынды.
62 кг чейинки салмакта Айсулуу Тыныбекова 1/4 финалдык баскычтан баштап, анда Түштүк Корея өлкөсүнөн келген Сюн Жо аттуу балбан кызды 6:0 эсеби менен алдыга чыгып келе жатып туше ыкмасын колдонуп, таза жеңишке жетти.
Жарым финалда монголиялык спортчуну 13:3 эсебинде жеңип, финалга жолдомо алды.
Ал эми чечүүчү финалдык беттеште япониялык Сакура Мотоки менен күч сынашып, 9:6 эсебинде утту. Ошентип Айсулуу Тыныбекова Азиянын алты жолку чемпиону болду.
Эскерте кетсек, Сакура Мотоки менен Айсулуу Тыныбекова 2023-жылы Белград шаарында (Сербия) өткөн дүйнө чемпионатында кез келип, жыйынтыгында кыргызстандык спортчу жеңишке жетип, Дүйнөнүн 3 жолку чемпиону болгон.
Пикирлер (0)
Пикир жок. Сиз биринчилерден болушуңуз мүмкүн