Ош шаардык кеңешине 710 талапкер, 9 партиядан көрсөтүлдү. Мындай маалыматты Борбордук шайлоо комиссиясынын төрайымы Нуржан Шайлдабекова Ош шаарында партиялардын жетекчилери менен жолугушууда билдирди.
"Ош шаардык кеңешине баш аягы 9 партия катталып, алар 710 талапкерди көрсөттү. Мындан сырткары 50 талапкер катталган жок. Алардын арасынан 25 талапкердин жогорку билими жок, 21 талапкер шаарда жашабаганы белгилүү болду. 4 талапкер туура эмес маалымат бергени үчүн катталган эмес", - деди БШКнын төрайымы.
Белгилей кетсек, ушул жылдын 12-апрелинде Ош шаардык кенешине шайлоо өтүп, анда 9 партия ат салышат. Үгүт өнөктүгү кечээ, 13-мартта башталды. Ал 11-апрель күнү аяктайт.
Пикирлер (0)
Пикир жок. Сиз биринчилерден болушуңуз мүмкүн