Бакыт Төрөбаев: Конституциянын жаңы долбоору боюнча суроо болсо бериңиздер

Жогорку Кеңештин депутаты Бакыт Төрөбаев Конституциянын жаңы долбоору менен таанышып жатканын Фейсбук баракчасы аркылуу билдирди.

Ал кандайдыр бир суроо болсо ага жооп берерин кошумчалаган.

"Урматтуу достор!

Учурда конституциянын жаңы долбоору менен таанышып жатам. Кимде кандай суроолор болсо берсеңиздер болот, жооп бергенге аракет жасайын. Мисалы, мурда мыйзам долбоорунун демилгечиси үч эле институт башкача айтканда, Жогорку Кеңештин депутаты, Өкмөт жана 10 миң адам болсо, азыр Курултай, Жогорку сот, Башкы Прокурор, Президент, 10 миң адам жана депутат. Мындан сырткары, учурдагы баш мыйзамга бир катар өзгөрүүлөр киргизилди" ,- деп билдирүү калтырган Төрөбаев.