Бакыт Төрөбаев энергетика тармагында өзгөчөлөнгөн кызматкерлерди куттуктады

Энергетиктер күнүнө карата эмгеги менен өзгөчөлөнгөн кызматкерлер сыйланды. Бул тууралуу Энергетика министрлигинин басма сөз кызматынан билдиришти.

Маалыматка ылайык, сыйлоо аземине Жогорку Кенештин депутаттары, министрлер кабинетинин төрагасынын орун басары Бакыт Төрөбаев, бир катар министрлер жана тармактын ардагерлери менен энергетиктер катышты.

Иш-чарада Министрлер кабинетинин Ардак грамотасы, энчилүү саат жана ЖКнын Ардак грамотасы, Энергетика министрлигинин жогорку сыйлыктары, ошондой эле КМШнын "Эмгек сиңирген энергетиги" төш белгиси, "Каараман" төш белгиси жана Ардак грамоталар тапшырылды.