Балбак Түлөбаев Боом капчыгайындагы өрттүн пайда болуу себебин айтты

Бүгүн, 24-мартта Бишкек-Балыкчы унаа жолунун Боом капчыгайында үч жерден ири өрт чыкты.

Жогорку Кеңештин депутаты Балбак Түлөбаев Өзгөчө кырдаалдар министрлигине шашылыш кайрылуу жасап, өрттү чектеп калууга чакырган.

"Жергиликтүү тургундардын айтымында өрт поездден чыккан жалындан пайда болгон",- деди депутат Түлөбаев.

Буга чейин Өзгөчө кырдаалдар министрлиги 3 өрт өчүрүүчү бөлүм жана 18 токой чарбасынын кызматкери тартылганын билдирген.