Баткен облусунун аймагын мыйзамсыз курулуштардан тазалоо иш-чаралары башталат

1-февралдан тарта Баткен облусунун аймагын мыйзамсыз курулуштардан тазалоо иш-чаралары башталат.

Президенттин аталган облустагы өкүлчүлүгүнөн билдиришкендей, иштер негизги көчөлөрдү иретке келтирүү, мыйзамсыз аракеттерге бөгөт коюу, жарандардын коопсуздугун сактоо жана ыңгайлуу шарт түзүү максатында жүргүзүлмөкчү.

Белгилей кетсек, буга чейин кызыл сызык чегинен чыккан мыйзамсыз курулуштарды иретке келтирүү боюнча менчик ээлерине эскертүүлөр берилген. Эскертүүлөргө ылайык, жеке жактар белгиленген мөөнөткө чейин курулмаларды алып, коомдук пайдалануудагы жерлерди бошотуусу зарыл.