2021-жылы Тажикстандын Баткен облусуна болгон агрессиясында жабыр тарткан үй-бүлөлөргө мамлекет тарабынан бериле турган бардык жардамдар берилип бүттү. Бул тууралуу Баткен облусунун башчысы Абдикарим Алимбаев Жогорку Кеңештин жыйынында билдирди.
Анын айтымында, азыркы күндө Тажикстандын экинчи агрессиясынан жабыркаган социалдык объектилердин жана үйлөрдүн курулуш иштери жүрүп жатат.
"Биз Министрлер кабинетинин чечими менен Тажикстандын агрессиясынан жабыр тарткан ар бир үй-бүлөгө 300 миң сомдон компенсация төлөшүбүз керек.
Азыркыга чейин 200 миң сомдон берип бүттүк. Калган 100 миң сомду үйлөр курулуп бүткөндөн кийин беребиз",- деди Баткен облусунун башчысы.
Пикирлер (0)
Пикир жок. Сиз биринчилерден болушуңуз мүмкүн