Баткенде милициянын көчмө кабылдамасы түшүндүрүү иштерин жүргүзүүдө

Баткен шаарында милициянын көчмө кабылдамасы түшүндүрүү иштерин жүргүзүүдө.  Бул тууралуу Баткен ОИИБнын Басма сөз кызматы кабарлады.

      Баткен шаарынын Базар-Башы кварталынын Токтогул-Олуя конушунун тургундары менен милиция кызматкерлери жолугуп, кылмыштуулуктун алдын алуу боюнча түшүндүрүү иштерин жүргүзүүдө. 

    Милиция жергиликтүү тургундарга үй-бүлөлүк зордук-зомбулуктардын алдын алуу, ысырапкерчиликке жол бербөө, ошондой эле каникул убагында жаш өспүрүмдөрдүн коопсуздугун колго алуу боюнча маселелерди көтөрдү. 

    Милициянын көчмө кабылдамасына жергиликтүү тургундар тарабынан социалдык мааниде 3 кайрылуу кабыл алынып, тийиштүү мекеме-ишканаларга жөнөтүлдү.