Баткенде окуучуларга түшүндүрүү иштери жүргүзүлүүдө

Баткен шаарындагы мектептерде окуучуларга түшүндүрүү иштери жүргүзүлүүдө. Бул тууралуу Баткен ОИИБнын Басма сөз кызматы билдирди.

Баткен шаарындагы №3 А.Имаров, жана Кызыл-Жол орто мектептеринин окуучулары менен Баткен ШИИБдин балдар менен иштөө инспекторлору жолугуп, кылмыштуулуктун алдын алуу боюнча бир катар түшүндүрүү иштерин жүргүзүүдө.

Жаш өспүрүмдөрдүн коопсуздугу, алардын жүрүм-туруму боюнча талкуулар болду. Ошондой эле мектеп окуучулар арасындагы укук бузуулардын, зордук-зомбулуктурдын алдын алуу боюнча лекциялар окулду, баарлашуулар жүрдү.

Быйылкы жылдын 3 ай аралыгында Баткен шаар аймагында жаш өспүрүмдөр катышкан 2 кылмыш катталып, бети ачылган.