Баткенде шахтадагы газга 4 адам ууланып каза болду

Баткен облусунун Сүлүктү шаарында шахтадагы газга 4 адам ууланып каза болду. Бул тууралуу Өзгөчө кырдаалдар министрлигинен билдирди.

Маалыматка ылайык, 23-июнь күнү ЖЧК “Кенчилер-Береке” шахтасында газ чыгып, кырсыктын кесепетинен 3 эркек киши жана 1 аял киши газга ууланып каза болушкан. Алар 73, 37, 19 жана 34 жашта экени айтылат.

Куткаруучулар каза болгон адамдардын жансыз денелерин шахтадан чыгарып, Сүлүктү шаардык ооруканасынын өлүк сактоочу жайына жеткиришкен.