Бүгүн, 20-апрелде Жогорку Кеңештин депутаты Нурлан Ражабалиев Баткендеги үйлөрдүн курулушу боюнча маселе көтөрдү.
Анын айтымында, субподрядчы компания курулушчулардын акысын бербей жүрөт.
"Баткенди калыбына келтирүү жумуштары жакшы эмес. Башкы подрядчы "Аманат курулуш инвест" жалпы жумуштарды алып, "Доор курулуш" деген субподрядчыга берген. Өз кезегинде ал кайра суб-субподрядчыларга 5-10дон үйдү таратып салган. Ошентип отуруп эки айда деген жумушту жети айдан бери бүтүрө элек", — деди Ражабалиев.
Эл өкүлү мунун айынан тургундар үйлөрүнө кире албай, куруучулар эмгек акысын ала албай жүргөнүн белгиледи.
Пикирлер (0)
Пикир жок. Сиз биринчилерден болушуңуз мүмкүн