Батукаевдин мыйзамсыз бошотулушу боюнча сот отурумунда айыпталуучулар сүйлөдү

Бишкек шаарынын Биринчи Май райондук сотунун өндүрүшүндө кримтөбөл Азиз Батукаевдин мыйзамсыз бошотулушу боюнча "коррупция" беренеси менен соттук отурум жүрүп, анда айыпталуучулар сүйлөштү.

Маалыматка ылайык, бүгүн, 18-июнда тараптардын жарыш сөздөрү улантылган. Айыпталуучулар Абдухалим Раимжанов, Калыбек Качкыналиев жана жактоочу У.Карабаев сөздөрүн сүйлөштү.

Жактоочу Сергей Слесаревдин жарыш сөзгө даяр эместигине байланыштуу, сот эртең, 19-июнь саат 10:00гө чейин тыныгуу жарыялаган.

16-июнда отурумда мамлекеттик айыптоочулар Алмазбек Атамбаевди жана Индира Жолдубаеваны мүлкүн камакка алуу менен 15 жылга эркинен ажыратып, бардык мамлекеттик наамдарынан ажыратууну, калган айыпталуучуларды 13 жылга эркинне ажыратууну суранышкан. 

Белгилей кетсек, Биринчи Май райондук сотунун өндүрүшүндө кримтөбөл Азиз Батукаевдин мыйзамсыз бошотулушу боюнча "коррупция" беренеси менен соттук отурум жүрүп жатат. Анда айыпталуучу мурдагы президент Алмазбек Атамбаев, мурдагы башкы прокурор Индира Жолдубаева, ЖАМКнын төрагасынын мурдагы кеңешчиси Калыбек Качкыналиев жана Улуттук гематология борборунун мурдагы жетекчиси Абдухалим Раимжанов өтүүдө.