Бензовоз каршы тилкеге чыгып кеткен. Ысык-Көлдө жол кырсыгы катталды

Ысык-Көл районунда Чырпыкты жана Тору-Айгыр айылдарынын ортосунда күн мурун “Ауди-100” жана “КамАз” үлгүсүндөгү бензовоз сүзүшкөн.

ИИМдин Жол кыймылынын коопсуздугун камсыздоо башкы башкармалыгынан билдиришкендей, алдын ала маалымат боюнча бензовоздун айдоочусу каршы тилкеге чыгып кеткен.

Учурда унаалар айып аянтчасына киргизилди. Кырсыктын чоо-жайы такталууда.

Жол кырсыгынын кесепетинен жеңил унаанын айдоочусу жабыркап, ооруканага жеткирилген.