Бейтааныш кызды эл алдында кемсинткен блогер Бишкектен Ош шаарындагы милиция бөлүмүнө жеткирилди. Бул тууралуу шаардык ички иштер бөлүмүнөн билдиришти.
Белгилей кетсек, буга чейин Саяныч лакап аты менен блогер Нурболот Турганбаев түштүк борбордун көчөсүндө өтүп бара жаткан кызды кемсинткен видеосун жарыялаган.
Милициянын маалыматына караганда, анын үстүнөн 25-мартта эки арыз келип түшкөн. Биринчиси жарандык активист Азамат Ормокеевден, экинчиси жабырлануучу 22 жаштагы Өзгөн районунун тургунунан.
Бүгүн блогерди Ошко алып барышып, профилактикалык сүйлөшүү өткөрүштү. Ал айткан сөздөрү үчүн кечирим сурап, мындай көрүнүш кайталанбасын белгиледи.
Кармалган жарандын аракетине юридикалык баа берүү үчүн тергөө кызматына өткөрүлүп берилди.
Пикирлер (0)
Пикир жок. Сиз биринчилерден болушуңуз мүмкүн