2023-жылдын сентябрь айында мигранттар Кыргызстанга 174,4 миллион доллар которгон, бул мурунку айга салыштырмалуу 18,5 миллион долларга көп. Мындай маалыматты Улуттук банк билдирет.
2022-жылдын сентябрына салыштырмалуу бул көрсөткүч 1,7 эсеге же 117,5 миллион долларга азайган. Акча которуулардын басымдуу бөлүгү Орусиядан келген — 159,8 миллион доллар. Башка өлкөлөр Кыргыз Республикасына 8,6 миллион доллар, АКШдан 2,9 миллион доллар которгон. Жалпысынан ушул жылдын январь-сентябрь айларында мекендештер өлкөгө 1 миллиард 437,6 миллион доллар которгон. Бул мурункуга караганда 35 пайызга же 774 миллион долларга аз.
Сентябрь айынын аягында дагы 35,2 млн доллар акча каражаттарынын агылып чыгышы байкалган. Бир айда бул көрсөткүч 2,9 миллион долларга азайган. 2022-жылдын сентябрына салыштырмалуу бул көрсөткүч 4,8 эсеге, 135,2 миллион долларга азайган. Акчанын негизги бөлүгү Орусияга которулган (32,3 миллион доллар). 2023-жылдын тогуз айында эле республикадан 360,1 миллион доллар чыгарылды, бул 2022-жылдагы көрсөткүчтөн 419,2 миллион долларга аз.
Үстүбүздөгү жылдын январь-сентябрь айларында Кыргызстанга акча которуулардын таза агымы 1 миллиард 77,5 миллион долларды түздү. Бул 2022-жылдын тогуз айына салыштырмалуу 354,7 миллион долларга же 24,7 пайызга аз.
Өткөн жылдын аягында республикага которулган акчанын көлөмү 2 миллиард 928,2 миллион долларды түзгөн. Кыргыз Республикасынан башка мамлекеттерге 1 миллиард 200,7 миллион доллар которулган. Таза агымы – 1 млрд 727,5 млн доллар.
Пикирлер (0)
Пикир жок. Сиз биринчилерден болушуңуз мүмкүн