Бир суроону 205 жолу берет. Адахан Мадумаров сурак берип чыкты

Жогорку Кеңештин депутаты, "Бүтүн Кыргызстан" саясий партиясынын лидери Адахан Мадумаров бүгүн, 21-январда кайрадан Башкы прокуратурага сурак берип чыкты.

Анын айтымында, суракта ал Азимбек Бекназаров менен беттештирилди.

"Бүгүн дагы кайра эле ошол суроону 205 жолу берди. Биздин өлкөдө мыйзамдуулук деген нерсе калбаптыр. Азыр сурак бүттү. Дүйшөмбү күнү саат 10:30га кайра чакырды. Мен жумушка келгендей болуп жатам.

Бул жерде Азимбек Бекназаров менен дагы көрүштүк. Ал дагы анын сөзүн кескилеп эптеп Мадумаровду күнөөлүү көрсөтүү аракети болгонун айтты",- деди Мадумаров.