Бүгүн, 3-февралда «Манас» Эл аралык аэропортуна Тегеран-Бишкек-Тегеран аба каттамынын биринчи учагынын келип конору күтүлүүдѳ. Бул тууралуу Маданият, маалымат жана туризм министрлигинин маалымат кызматы билдирди.
Аталган авиакаттамдар ирандык VareshAirlines авиакомпаниясы тарабынан ишке ашырылууда.
Эске салсак, 1-февралда тышкы иштер министри Чыңгыз Айдарбеков менен Кыргызстанга жаӊыдан дайындалган Ирандын элчиси Саид Харразинин жолугушуусунда Тегеран-Бишкек-Тегеран түз аба каттамынын кайрадан ишке киргизүү макулдашылган.
Тегеран-Бишкек-Тегеран жаңы аба каттамын ачылышын Маданият, маалымат жана туризм министрлигинин алдындагы Туризм департаменти уюштурат.
Пикирлер (0)
Пикир жок. Сиз биринчилерден болушуңуз мүмкүн