Бишкек—Ош жолунда оор жүк ташуучу унаа оодарылып кетти (сүрөт)

Бишкек—Ош унаа жолунда оор жүк ташуучу унаа жолдон чыгып, оодарылып кеткен. Бул тууралуу ӨКМдин басма сөз кызматы билдирди. 

Маалыматка караганда, кырсык  Таш-Көмүр шаарында 6-июль күнү саат 15:54тө катталган. Анда "Ивеко" оор жүк ташуучу унаасынын айдоочусу рулга ээ боло албай, унаа жолдон чыгып, оодарылып кеткен. Жабыркаган жана каза болгондор жок.

Жерине келген куткаруучулар оодарылып кеткен унааны чыгарып беришкен.