Бүгүн, 31-июлда Бишкек шаарына Россиянын Новосибирск шаарынан Кыргызстандын 184 жараны учуп келди, алардын ичинде балдар да бар. Бул тууралуу ТИМдин басма сөз кызматы билдирди. 

Маалыматка караганда, чартердик каттам менен төрөтүнүн мөөнөтү жакындап калган кош бойлуулар жана жаш балдары барлар, ыкчам түрдө мекенине кайтууга олуттуу себептери бар болгон жарандар, ошондой эле Сибирь аймактарындагы окуган ЖОЖдорунда окуган студенттер келишти. 

Бул каттам менен Новосибирск, Владивосток, Якутск, Иркутск, Түштүк-Сахалин, Хабаровск, Красноярсктан, ошондой эле Сибирь Федералдык Округунун башка шаарындагы мекендештер кайтып келишти.

Ошондой эле бул рейс менен Новосибирсктеги кыргыз диаспорасы тарабынан 200 миң рублга барабар дары-дармектер жана эки өпкөнү жасалма дем алдыруучу аппараттан турган гуманитардык жардам келди.