Бишкекте 20 жаштагы кыз 3-кабаттан кулап түшкөн

Бишкекте көп кабаттуу үйдө жашаган кыз 3-кабаттын терезесинен кулап кеткен. Бул тууралуу Биринчи Май райондук милициясы кабарлады.

Окуя 4-май күнү саат 14:00 чамасында Манас-Чүй көчөлөрүнүн кесилишинде жайгашкан көп кабаттуу үйдө болгон.

Тергөө-ыкчам тобу жана Биринчи Май РИИБдин жетекчилиги жеринде иш алып барышкан. Милициянын маалыматы боюнча, белгисиз жагдайда 2001-жылы туулган А.М. терезеден кулап кеткен.

Кыз Улуттук травматология жана ортопедия ооруканасына жаткырылды.

Бул факт боюнча учурда тергөө иштери жүрүп жатат.