Бишкекте 26 жаштагы кызды сүзүп кеткен мас айдоочу кармалып, кылмыш иши козголду

Кечээ Бишкекте 26 жаштагы кызды сүзүп кеткен айдоочу убактылуу кармоочу жайга киргизилди. Бул тууралуу Бишкек шаардык ички иштер башкармалыгынан кабарлашты.

Маалыматка ылайык, 1995-жылы туулган В.Т. аттуу жаран 7-апрель күнү бир нече жол кырсыгына кабылган. Ал мас абалда "Субару Форестер" унаасы менен "Опел" унаасын сүзгөн. Кырсык болгон жерден изин жашыруу үчүн качып бара жатып, 26 жаштагы кызды сүзгөн. Кыз алган жаракаттан улам каза болгон.

В.Т. Бишкек ШИИБдин убактылуу кармоочу жайына киргизилди. Ага карата кылмыш иши козголду.