Бишкекте автобустун айдоочусу 18 жаштагы кызды сүзүп кетти

Бүгүн Бишкекте автобус 18 жаштагы кызды сүзүп кетти. Бул тууралуу шаардык ички иштер башкы башкармалыгынан билдиришти.

Кырсык болжол менен саат 10:00дөр чамасында болгон. Анда 1964-жылы туулган айдоочу Д.К. Чүй проспектиси менен чыгышты көздөй бара жатып жөнгө салынбаган жөө өтмөктөн 18-20 жаштардагы кызды сүзүп алган.

Натыйжада жөө жүргүнчү ар кандай жаракаттар менен Улуттук госпиталдын жандандыруу бөлүмүнө жаткырылган.

Бул факты катталып, тергөөгө чейинки текшерүү иштери жүргүзүлүп, бардык экспертизалар дайындалды.

Автобус айып төлөнбөгөн унаа токтотуучу жайга токтотулган.