Бишкекте айдоочу рулга ээ боло албай, жол жээгиндеги түркүктөрдү сүздү

Бишкек шаарында айдоочу рулга ээ боло албай, жол жээгиндеги тирегичти сүздү. Бул тууралуу Милициянын кайгуул кызматынын басма сөз кызматы билдирди. 

Маалыматка караганда, саат 01:00 чамасында Д.С. аттуу айдоочу “Тойота Эстима” үлгүсүндөгү автоунаасы менен А.Токомбаев көчөсү менен батышты көздөй бара жатып, Жукеев Пудовкин көчөсүнөн өткөндөн кийин рулга ээ боло албай, жол жээгиндеги түркүктөрдү (столба) сүзүп токтогон.

Натыйжада айдоочу жабыркап, ооруканага жеткирилген. Авто унаа айып короо жайга токтотулуп, кырсыктын келип чыгуу себеби такталып жатканы айтылат.