Бишкекте дем алыш күндөрү кезектеги айыл чарба жарманкеси өтөт

Бишкек шаарында 27-28-январь күндөрү кезектеги айыл чарба жарманкеси өтөт. Бул тууралуу Айыл чарба министрлиги маалымдады.

Билдирмеге ылайык, жарманке саат 08:00дөн 18:00гө чейин болот.

Иш-чаранын максаты – ата мекендик өндүрүүчүлөргө, агроөнөр жай ишканаларына жана жеке ишкерлерге айыл чарба продукцияларын сатууга шарт түзүп, шаар тургундарына азык-түлүктөрдү дүң баада жеткирүү.

"Жарманке ар жуманын дем алыш күндөрү өтүп турат. Катышууну каалаган дыйкан, өндүрүүчүлөр 0555 34 60 60 телефон номерине кайрылып толук маалымат алса болот", — дешти министрликтен.

Жарманкенин дареги: Биринчи май району, Киев — Раззаков көчөлөрүнүн кесилиши.