Бишкекте экология жана абаны таза сактоо баарынан жогору, - вице-мэр Мирлан Амантуров

Бишкек шаарындагы жаңы конуштарды газдаштыруу иштери улантылууда, деп билдирди мэриянын басма сөз кызматы.

Алардын маалыматы боюнча, 2020-жылга «Газпром Кыргызстан» компаниясы өндүрүштүк программасынын алкагында 5 жаңы конушту: «Алтын-Ордо», «Рухий-Мурас», «Ынтымак», «Киргизия», «Чоң-Арык» газдаштыруу боюнча иштерди пландоодо.

Ал эми шаардын көчөлөрүн кардан тазалоо үчүн «Тазалык» муниципалдык ишканасы 6 миң 500 тонна техникалык туз даярдайт. Жеткирүүгө тендер 16-июлда өткөрүлүп, учурда тендердик комиссиянын кароосунда.

Бишкек шаарынын турак-жай коммуналдык чарба боюнча вице-мэри Мирлан Амантуров шаардык кызматтарга экологияны жана абаны таза сактоо баарынан жогору экенин эскертти.