Бугу 09, 2024
Убакыт: 05:34
USD
88.50
89.40
EUR
94.80
95.80
RUB
0.955
0.975

Бишкекте мончолорду текшерүү уланууда

01.12.2022 12:22
268
Бишкекте мончолорду текшерүү уланууда



 Бишкек шаарынын мэриясынын көрктөндүрүүнү көзөмөлдөө боюнча муниципалдык инспекциясы мончо жана сауналарды текшерүүнү улантып, тыюу салынган буюмдарды өрттөөгө каршы рейддерди өткөрүүдө. 


Мэриянын маалымат кызматы билдиргендей,  Экология министрлиги жана №6 МАБ менен биргеликте Төкөлдөштүн жогору жагындагы жеке мончолорду текшеришти. Шаардыктардан түшкөн көптөгөн даттанууларга байланыштуу «Датка» мончосу да текшерилди, аталган мончо жакында эле газ менен жылытууга өткөнү аныкталды.


 Ошол эле учурда экинчи топ Биринчи май районундагы Ахунбаев жана Абай көчөлөрүн текшерди.


 Жалпысынан 10 мончо жана сауна текшерилип, тыюу салынган буюмдарды өрттөө фактылары аныкталган эмес. Ал эми Ахунбаев көчөсүндөгү №133 даректин боюндагы «Каприз» эс алуу жайынын жанаша жайгашкан аймагында санитардык нормалардын бузулгандыгы аныкталып, аларга КРнын «Бузуулар жөнүндө» кодексинин 114-беренесине ылайык айып салынды.


 Борбор калаанын мэриясы көрктөндүрүү эрежелерин бузуунун бардык катталган фактылары боюнча тартип бузгандар күнөөсүн мойнуна алган-мойнуна албаганына карабастан жеринде жаза колдонуу боюнча протоколдор түзүлөрүн эскертет.


Пикирлер (0)

Коопсуздук коду

Пикир жок. Сиз биринчилерден болушуңуз мүмкүн