Свердлов районундагы бир мандаттуу шайлоо округу боюнча Жогорку Кеңешинин депутатын кайра шайлоо учурунда Бишкек шаарынын тургуну Б.Б. аттуу жаран бир талапкерге үгүт иштерин жүргүзүү учурунда тизмелерди тактап, акча таратууга аракет жазап жаткандыгы боюнча маалымат текшерүүгө алынган.
ИИМдин басма сөз кызматы билдиргендей, Бишкек шаарынын Свердлов РИИБнын Тергөө кызматынын тапшырмасынын негизинде ыкчам иликтөө жана тергөө амалдарынын жүрүшүндө Б.Б. аттуу жарандын 50 адамдын тизмесин алып жүргөндүгү ИИМдин Экстремизмге жана мыйзамсыз миграцияга каршы аракеттенүү боюнча кызматы тарабынан аныкталып, Бишкек шаарынын Свердлов райондук Ички иштер башкармалыгына жеткирилген.
Учурда топтолгон материалдар БШКга жана Свердлов райондук прокуратурасына жөнөтүлдү.
Пикирлер (0)
Пикир жок. Сиз биринчилерден болушуңуз мүмкүн