КР Жогорку сотуна караштуу Сот департаментинин Экономикалык иштер боюнча соттук аткаруучулар кызматынын бөлүмүнүн кызматкери кармалды. Бул тууралуу Улуттук коопсуздук боюнча мамлекеттик комитеттин басма сөз борбору билдирди.
Сот аткаруучу өлкөдөн сыртка чыгууга чектөөнү алып салуу маселеси боюнча оң чечим чыгарганы үчүн 45 миң сом талап кылган. Ал бул сумманы алып жаткан жеринен кармалып, УКМКнын СИЗОсуна камалды.
«Жогорку Соттун алдындагы Сот департаментинин соттук аткаруучулар кызматынын бөлүмү административдик, жарандык жана жазык иштери боюнча айыптарды жана тиешелүү мамлекеттик алымдарды мамлекетке өндүргөн бирден-бир мамлекеттик орган болуп саналат. Ошондуктан, УКМК системалуу мүнөздөгү окшош (үстүнө коюлган) фактыларды документтештирүү боюнча тиешелүү иш-чараларды улантууда», — деп айтылат маалыматта.
Пикирлер (0)
Пикир жок. Сиз биринчилерден болушуңуз мүмкүн