12-ноябрда Бишкектин Октябрь райондук соту таштанды челекке ыргытылган ымыркайдын энесин камакка алуу чечимин чыгарды.
Бишкек шаардык ички иштер башкы башкармалыгынын басма сөз кызматы билдиргендей, ал 2024-жылдын 11-январына чейин СИЗО-1де камакта болот.
Белгилей кетсек, 8-ноябрга караган түнү милицияга Лев Толстой менен Элебаев көчөлөрүнүн кесилишиндеги таштанды челекке жаңы төрөлгөн ымыркайдын ташталгандыгы тууралуу маалымат түшкөн. Бул факты боюнча Кылмыш-жаза кодексинин 37-125-беренеси (Жаңы төрөлгөн баланын апасы тарабынан киши өлтүрүүгө аракет кылуу) боюнча кылмыш иши козголуп, кийинчерээк 21 жаштагы кыз кармалган.
Эскерте кетсек, ымыркай №1 төрөт үйүнө өткөрүлүп берилген жана баланын абалы туруктуу.
Пикирлер (0)
Пикир жок. Сиз биринчилерден болушуңуз мүмкүн