Бишкекте Ленин райондук ички иштер башкармалыгынын кызматкерлери тарабынан уюлдук телефон уурдоого шектүү 40 жаштагы жаран кармалды. Бул тууралуу райондук администрациянын басма сөз кызматы билдирди.
Сот аны камакка алгандыгы белгиленди. Кармалган адам кийинки ай СИЗО-1де кармалат.
«3-февралда милицияга борбор калаанын тургуну кайрылган. Ал ошол эле күнү болжол менен саат 11.30 чамасында Кулиев көчөсү менен Чүй проспектисинин кесилишинде жайгашкан чайханада белгисиз адам андан 14824 сомдук Redmi 9 үлгүсүндөгү уюлдук телефонун уурдап кеткендигин айткан», - деп билдиришти ИИМден.
Ыкчам кызматкерлер кылмышка шектүүнү таап, кармоого жетишкен. Сот аны камакка алуу чечимин чыгарды. Тергөө аны ушул сыяктуу кылмыштарга тиешеси бар-жогун текшерип жатат.
Пикирлер (1)