Бишкекте унаа тетиктерин саткан дүкөн жана бир унаа күйүп кетти

Бишкекте унаа тетиктерин саткан дүкөн жана бир унаа күйүп кетти. Бул тууралуу Өзгөчө кырдаалдар министрлигинин басма сөз кызматы билдирди.

Окуя Каралаев жана Сүйөркулов көчөлөрүнүн кесилишинде болгон. Өрттү өчүрүүгө эки өрт өчүрүү бригадасы тартылган.

Өрттүн кесепетинен аккумуляторлор, эмеректер жана Renault Logan үлгүсүндөгү унаа күйүп кеткен. Өрттүн келип чыгуу себептери такталууда.