Чын курандын 04, 2025
Убакыт: 05:33
USD
86.60
87.10
EUR
95.40
96.40
RUB
1.015
1.050

Бүгүн Грецияда Эл аралык Олимпиада комитетинин президенти шайланат

20.03.2025 09:40
445
Бүгүн Грецияда Эл аралык Олимпиада комитетинин президенти шайланат


Бүгүн Грецияда Эл аралык Олимпиада комитетинин президенти шайланат. 


Интерфакс билдиргендей, Грецияда өтүп жаткан Эл аралык Олимпиада комитетинин 144-сессиясынын алкагында уюмдун 100дөн ашуун мүчөсү комитеттин жаңы президентин жашыруун добуш берүү аркылуу шайлашат.


Эл аралык Олимпиада комитетинин онунчу президентин шайлоо жабык эшик артында өтөт. Орунга жети киши ат салышууда. 


ЭОКтун жетекчиси болуп эң көп добуш алган талапкер эсептелип, ал сегиз жылга дайындалат. Андан соң кайра дагы төрт жылга шайлана алат.


Эл аралык Олимпиада комитетинин жаңы жетекчиси 24-июнда кызматка киришет.


Белгилей кетсек, өткөн айда Эл аралык Олимпиада комитетинин аткаруу кеңеши уюмдун президенти Томас Бахтын отставкасын кабыл алган. Томас Бах 23-июнда уюмдун мүчөлүгүнөн кетет. Ошол күнү Эл аралык Олимпиада комитетинин жаңы президентине укуктар өткөрүлүп берилет. 


71 жаштагы Бах уюмдун мүчөлүгүнө 1991-жылы шайланган. 2013-жылы ал Эл аралык Олимпиада комитетинин 9-президенти болуп дайындалган. Ушул эле орунга дагы бир жолу кайра шайланган.

Былтыр Бах кызматтан кетерин билдирген болчу.

Пикирлер (0)

Коопсуздук коду

Пикир жок. Сиз биринчилерден болушуңуз мүмкүн