Бүгүн, 1-апрелде Кыргызстанда "Акылман" президенттик лицейине арыздарды кабыл алуу башталды. Бул тууралуу лицейдин коомчулук менен байланыш бөлүмүнүн башчысы Азирет Асанов билдирди.
Анын айтымында, арыздарды кабыл алуу 14-апрелге чейин уланат. "Арыздарды кабыл алуу мурдагы жылдардагыдай эле сынактык негизде 3 этап менен жүргүзүлөт. Биринчи жана экинчи этап онлайн, ал эми үчүнчү этап оффлайн негизде жүргүзүлөт. 15-16-апрелде тестирлөөнүн мындай түрүн көрбөгөн балдар үчүн пилоттук тестирлөө жүргүзүлөт. Алдыдагы окуу жылына 71 окуучу кабыл алынат", - деди ал.
Лицейдин өкүлү белгилегендей, тестирлөө суроолору 6-класстын программасына толугу менен шайкеш келип, математика, логикалык суроолор, кыргыз тили, орус тили жана тарых предметтеринен турат.
Пикирлер (0)
Пикир жок. Сиз биринчилерден болушуңуз мүмкүн