Аксы районунда 9-11-класстын окуучулары чач тарачта кезек талашып мушташкан. Маалыматты Жалал-Абад облусунун ички иштер башкармалыгынан тастыкташты.
Башкармалыктын маалыматына караганда, Кош-Дөбө айылынын 18 жаштагы тургуну башынын сол каптал аймагына жана оң алаканына бычак сайылган деген диагноз менен ооруканага түшкөн.
«Мушташ учурунда жогорку класстын окуучусу кенже класстын окуучусун уруп жиберген. Ал жыгылып калганда кылмышкер анын башына жана бутуна бычак сайганга үлгүргөн. 11-класстын окуучусу алган жаракатынан улам ооруканада каза болгон», - деп айтылат маалыматта.
Учурда тергөө иштери уланууда.
Пикирлер (0)
Пикир жок. Сиз биринчилерден болушуңуз мүмкүн