Чаткалдан келген делегат депутаттардын ишине нааразылык билдирди

Бишкектеги Токтогул Сатылганов атындагы улуттук филармонияда Элдик курултайдын экинчи күнү өтүп жатат.

Чаткал районунан келген делегат элдин үнү бийликке жетпей жатканына нааразылыгын билдирди.

"Биз бир депутатты 2005-жылдан бери шайлайбыз. Аны кийинки шайлоого чейин көрбөйбүз.

Биздин маселебиз, көйгөйлөрүбүздү көтөрүп чыкпайт. Эмне кылабыз? 

Бизде кен иштеткен компаниялар ичүүчү сууну булгап жатат. Биздин маселени чечип бербесеңиздер кетпейм",- деди делегат.