Лейлек районунда паспортунун мөөнөтү бүтүп калган адамдар 3-4 күндөп кезек күткөн учурлар бар. Мындай пикирин бүгүн Жогорку Кеңештин жыйынында Лейлек шайлоо округунан депутат Чынгыз Ажибаев билдирди.
Анын айтымында, Лейлек районундагы 4 айыл аймакка Калкты тейлөө борборун ачыш керек.
"Лейлек районунун Жаңы-жер, Кулунду, Маргун жана Бешкент айыл аймактарында жашаган тургундар паспорт алыш үчүн райондун борборуна барып, 3-4 күндөп кезек күтөт.
Мындай маселени чечиш керек. Сиз дагы иш сапарыңызды Лейлек районунан баштасаңыз. Керек болсо мен өзүм сиз менен чогуу барып, көрсөтүп келем",- деди депутат Ажибаев Санариптик өнүктүрүү министри кызматына талапкер Талантбек Имановго кайрылып.
Пикирлер (12)