“Чоң Казат” кысымга кабылганын билдирип, президентке кайрылуу жолдоду

“Чоң Казат” кыймылынын өкүлдөрү президент Сооронбай Жээнбековго кайрылуу жолдоду. Бул тууралуу кыймылдын мүчөсү Канат Хасанов Фейсбуктагы түз эфир аркылуу билдирди.

Анда, ал Ак үйгө баратканын көрсөтүп, “Чоң Казаттын” атынан жазылган арызды тапшырган.

“Биз коррупцияга каршы күрөшүп, фактыларды тастыктап берип жатсак, кайра өзүбүздү кысымга алып жатышат. Бул бизге түшүнүксүз. Эмне үчүн андай болуп жатат, деген суроону салып жатабыз”, - деди Хасанов.

Арызда кыймылдын мүчөлөрү укук коргоо органдары тарабынан кысымга алынып жатканын айтып, мамлекеттин душмандары эмес экенин белгилешкен.