Чубак ажы Жалиловдун сөөгү бүгүн кичи мекенинде жерге берилет

Мурдагы муфтий Чубак ажы Жалиловдун сөөгү бүгүн, 11-июлда кичи мекени Базар-Коргон районундагы Бай-Мундуз айылында жерге берилет.

Nasaat media сайты кабарлагандай, маркумдун жаназасы болжол менен саат 16-18де өткөрүлөт.

Эске салсак, Чубак ажы Жалилов бүгүн, 11-июлга караган түнү өпкөнүн сезгенүү илдетинен көз жумду.