Жакында Өкмөттүн Чүй облусундагы ыйгарым укуктуу өкүлү Мирбек Мияровдун ордуна дайындалган Эркин Тентишев эки учагы бар экенин айтты. Бул тууралуу өзү жергиликтүү басылмалардын бирине берген маегинде билдирген.
"Мен буга чейин мамлекеттик кызматта иштеген эмесмин, азыркы кызматка киришкениме эки жумага жете элек. Мен бизнесмен, жеке ишкермин. Ооба, менде эки учак бар. Аларды 2019-жылы бизнесимден тапкан акчама сатып алгам. Мен аларды өлкөнүн экономикасына салым кошуу үчүн алдым. Чет элдик учактар бизге кыргызстандык жүргүнчүлөрдү ташыйт. Натыйжада, кирешенин 20 пайызы биздин мамлекеттин бюджетине, ал эми 80 пайызы учакка ээлик кылган өлкөгө кетет. Чет мамлекеттин учактарына көз каранды болбошубузду, биздин казынага акча түшүшүн кааладым, ошондуктан мен учактарды сатып алдым",- дейт Эркин Тентишев.
Пикирлер (0)
Пикир жок. Сиз биринчилерден болушуңуз мүмкүн