Чүйдө мал кармаган фермадан өрт чыгып, 18 бука күйүп кетти

Чүй облусунун Ысык-Ата районундагы мал кармаган фермадан өрт чыкты. Бул тууралуу ӨКМден билдиришти. 

Маалыматка ылайык, кырсыктан улам 18 бука күйүп кеткен.

"Тилсиз жоонун кесепетинен жалпы аянты 500 чарчы метр болгон сарай жана үстүндөгү 2000 боо чөп, байлоодо турган 18 бука күйүп кеткен", — деп айтылат маалыматта. 

Ал эми 15 буканы сактап калууга мүмкүн болгону кошумчаланды.