Чүйдө жарандык күйөөсүн өлтүрүүгө шектелип 20 жаштагы келин кармалды

Чүй облусунда жарандык күйөөсүн өлтүрүүгө шектелип 20 жаштагы келин кармалды. Бул тууралуу Чүй ОИИББден билдиришти.

Маалыматка ылайык, түндө саат 01:15те Москва РИИБине Беловодское айылында үй-бүлөлүк чыр-чатак болуп жатканы тууралуу билдирүү түшкөн.

"Окуя болгон жерге ыкчам топ жөнөтүлүп, жарандык никедеги 29 жаштагы К.Б. менен 20 жаштагы Э.А. 15-январь саат 19дарда үйүндө арак ичип отуруп, уруша кеткен. Чырдын жүрүшүндө аялы күйөөсүн бычак менен жүрөк тушка сайып, ал каза болуп калган", — деп айтылат маалыматта.

Шектүү убактылуу кармоочу жайга киргизилгени кошумчаланды.