Асылбек Жээнбеков спикер катары эч бир депутатка басым жасап, добуш бердирген эмес. Мындай пикирин Жогорку Кеңештин мурдагы депутаты Данияр Тербишалиев билдирди.
Анын айтымында, Жээнбековдун парламенттеги ролу болгону депутаттарга модераторлук жасоо эле болгон.
"Мен Асылбек Жээнбеков менен 5-чакырылышта иштешип калдым. Кумтөр болобу же башка мыйзам болобу ал депутаттарга андай добуш бер, мындай добуш бер деп айткан эмес. Экинчиден, депутат болуп барган адамдын өз ою, пикири болот ошого жараша добуш берет. Анда депутат болуп эмне кылат?
Мисалы мага бир жолу да эч ким мындай добуш бер деп айткан эмес. Депутат катары мен андайга жол бербейт элем. Анткени менин өзүмдүн жеке пикирим бар.
Асылбек Жээнбеков депутаттарды чакыртып добуш бердирген эмес, ал болгону сөз берип микрофонду башкарган",- деди Тербишалиев.
Пикирлер (3)