Дастан Жумабеков Масалиевди туулган күнү менен куттуктап, кечирим сурады

Жогорку Кеңештин төрагасы Дастан Жумабеков депутат Исхак Масалиевди бүгүнкү туулган күнү менен куттуп, ишине ийгилик каалады.

Бүгүн, 21-майда Жогорку Кеңештин жыйынында Дастан Жумабеков депутаттык мандатын тапшырып кетип жаткан Исхак Масалиевди юбилейлик күнү менен куттуктап, кийинки иштерине ийгиликтерди каалады.

“Өзүңүз айткандай, кечиримдүү бололу, сизден кетсе биз, бизден кетсе сиз кечириңиз .Улуу орозо айында кечиримдүү болгон жакшы далалат. Депутаттардын атынан ыраазычылык билдирем”, - деди Жумабеков.

Эске салсак, өткөн сессияда сөз талашып, Жумабеков менен Масалиев кайым айтыша кеткен. Масалиев депутаттарды кетип кал деп айтканы үчүн төраганы сындаган болчу.