Депутат 2020-жылдагы "кара июль" окуясын эске салды

Бүгүн, 18-апрелде Жогорку Кеңештин депутаты Камила Талиева комитеттин жыйынында 2020-жылы болгон "кара июль" маселесин көтөрдү.

Анын айтымында, "кара июль" үчүн эч ким жоопкерчиликке тартылган жок.

"2020-жылы жасалма дем алдыруучу аппараттарды колдонуу бери турсун беткаптар канча сомдон сатылып ажиотаж жаралган. Эч ким чара көргөн эмес. Кайра эле бизнесмендер өлүмдөн акча жасаган.

Ошол кездеги "кара июль" окуясы үчүн премьер-министр да, вице-премьер-министр да, министр дагы жоопкерчилик тарткан эмес",- деди депутат.