Билим берүү жана илим министри Догдуркүл Кендирбаева 2024-жылы жалпысынан 32 жумушчу күндүн ичинде 10 эл аралык сапарга чыккан. Бул тууралуу президенттин администрациясынын коллегиясынын отурумунда министрлер кабинетинин чечимдерин аткарылышын контролдоо башкармалыгынын башчысы Азамат Осмонов баяндамасында билдирди.
Анын айтымында, Австрияга 8 күндүк иш сапары болуп, анда билим берүүнү санариптештирүү жана кыргыз-кытай университетин түзүү боюнча эч кандай конкреттүү жыйынтык болгон эмес.
“Келечек үчүн билим берүүгө” 200 миллион долларды тартуу маселеси дагы деле талкууда. Министрдин 2024-жылдын май айында Улуу Британия барып келүүсүндөгү 400 миң доллар окуу китептерине жана министрликке кошумча каржылоо тартуу максатты ишке ашкан эмес”, - деди Азамат Осмонов.
Бирок, коллегиясынын отурумунда министр Догдуркүл Кендирбаева бул иш сапарлар билим берүү тармагын өнүктүрүүгө натыйжалуу болгондугун билдирди. Ал эми министрлер кабинетинин төрагасы Адылбек Касымалиев айтылган иш сапарлар боюнча өз пикирин кат жүзүндө даярдап берүүсүн тапшырды.
Президенттин администрациясынын коллегиясынын отурумунун жыйынтыгында Кендирбаеванын чет өлкөгө жасаган иш сапарлары сынга кабылып, дисциплинардык жаза ирээтинде “эскертүү” берилди.
Ошондой эле Билим берүү министринин орун басары Расул Абазбек уулу, лицензиялоо секторунун башчысынын убактылуу милдетин аткаруучу Дамира Алибаева кызмат ордунан бошотулуп, андан башка министрликтин 4 кызматкерине “катуу сөгүш” жарыяланды.
Пикирлер (0)
Пикир жок. Сиз биринчилерден болушуңуз мүмкүн